東京台場體感大冒險： 沉浸式劇場與互動解謎～Immersive Fort Tokyo

台場又有新嘢玩——Immersive Fort Tokyo，全球首座沉浸式主題樂園，呢個地方超大，有3萬平方米，原本係個大型商場，但因人流減少而關閉，後來被日本人創意活化，變成一個結合舞台劇、密室逃脫、解謎同互動裝置嘅樂園。 Immersive Fort Tokyo最大嘅特色就係「觀眾唔係淨係睇劇，而係可以走入故事，真實成為劇中角色」，參與者的行為舉止仲會影響故事的變化，預估唔到下一秒會點發生。 依家總共有6套主題劇目，有唔同程度嘅互動同演員數量，包括「東京復仇者」逃脫體驗、「名偵探福爾摩斯」沉浸劇場、「愛麗絲夢遊仙境」終極篇、「江戶花魁奇譚」、「真夜中的晚餐會」及「福特維塔的回憶」，不同劇目收費不一。如果想玩足一日，可以三套一齊玩，買官方套票，價格約9,800至14,800日圓，仲包意大利午餐，性價比好高。